Mae'r Uned Gydnerthu (JRU) yn gyfrifol am sicrhau, ar ran Awdurdodau Lleol Castell-nedd Port Talbot ac Abertawe, y caiff effaith argyfyngau mawr ar eu cymunedau ei lleihau'n sylweddol, a thrwy hyn gynyddu diogelwch eu trigolion a'u hymwelwyr.

Fel mae'r teitl yn ei awgrymu, rydym yn uned ar y cyd sy'n gweithio i Gyngor Bwrdeistref Sirol Castell-nedd Port Talbot a Dinas a Sir Abertawe. Mae gennym chwe aelod o staff sy'n cyflawni dyletswyddau ar ran y ddau awdurdod.

Er mwyn ein galluogi i ymgymryd â'n dyletswyddau'n unol â deddfwriaeth statudol, rydym yn cydweithio'n agos â'r Heddlu, y Gwasanaeth Tân ac Achub, y Gwasanaeth Iechyd ac Ambiwlans, Asiantaeth yr Amgylchedd, Asiantaeth y Môr a Gwylwyr y Glannau ac eraill i sicrhau bod prosesau a gweithdrefnau ar waith, ac yn cael eu profi, rhag ofn bydd y gwaethaf yn digwydd!