Parcio A Theithio

Mae Dinas a Sir Abertawe yn darparu tri safle Parcio a Theithio sydd wedi'u lleoli'n gyfleus oddi ar brif ffyrdd i'r gogledd, dwyrain a gorllewin o Ganol y Ddinas.

Parcio a Theithio

Mae Dinas a Sir Abertawe yn darparu tri safle Parcio a Theithio cyfleus sy'n agos at brif heolydd i'r gogledd (yr A4067), i'r dwyrain (yr A483) ac i'r gogledd orllewin (yr A483) o Ganol y Ddinas.

Mae'r safleoedd hyn yng Ngland?r, Ffordd Fabian a Fforestfach

Mae meysydd parcio Gland?r, Ffordd Fabian a Fforestfach wedi derbyn Gwobr Maes Parcio Diogel ac yn ogystal a chael eu staffio yn ystod oriau agor, mae ganddynt systemau CCTV.

Mae cysylltiadau bysus rheolaidd i Ganol y ddinas ac oddi yno, rhwng 0700 a 1900 o ddydd Llun i ddydd Sadwrn yn defnyddio bysus modern llawr isel hawdd eu defnyddio. Mae'r gwasanaethau hefyd ar gael ar ddydd Sul yn ystod y pump wythnos cyn y Nadolig.

Y gost fesul car am ddiwrnod cyfan o barcio a theithio i ganol y ddinas ac yn ôl ar fws ar gyfer hyd at 4 person yw £2.20.Neu, gallwch brynu tocyn aml-daith sydd yn eich caniatáu i gael 12 siwrne Parcio a Theithio. Gellir prynu tocynnau aml-daith am £22.00 o Neuadd y Sir, y Ganolfan Croeso yn Stryd Plymouth a phob safle Parcio a Theithio.

Mae Parcio a Theithio yn Abertawe yn derbyn cymorth ariannol gan Ddinas a Sir Abertawe a Llywodraeth Cynulliad Cymru.

Am wybodaeth ynghylch llety, atyniadau, traethau a digwyddiadau ym Mae Abertawe, ffoniwch y Ganolfan Croeso ar 01792 468321 neu ewch i'n gwefan dwristriaeth swyddogol.

Er mwyn gweld cynllun datblygu'r Cyngor, cliciwch yma

__ EIN HADDEWID PERFFORMIAD: __

Byddwn bob amser yn ymdrechu i redeg ein gwasanaethau yn ôl yr amserlen. Bydd adegau pan na fyddwn yn medru gwneud hyn; Byddwn bob amser yn ceisio hysbysu cwsmeriaid yngl?n â'r rhesymau dros hyn, a lle bynnag y bo'n bosib, nodi beth gallwn ei wneud i osgoi problemau yn y dyfodol.

Gallai fod rhesymau dilys pam na allwn ddatrys problem yn syth ond byddwn bob amser yn ystyried beth gellir ei wneud yn y dyfodol er mwyn osgoi ailadrodd yr un broblem.