Gwefan diwtorial e-ddysgu'r Tîm Rheoli Rhaglenni a Phrosiectau

Croeso i wefan diwtorial e-ddysgu Rheoli Rhaglenni a Phrosiectau Dinas a Sir Abertawe, sy'n rhoi mynediad llawn i'r defnyddio i'r prosesau, yr offer a'r templedi niferus a ddefnyddir i gwblhau unrhyw raglen neu brosiect yn llawn

Datblygwyd yr offer e-ddysgu hwn ers 2007, ac fe'i gwerthfawrogwyd yn fawr gan ein sefydliadau cymheiriaid fel arfer gorau i gyrff cyhoeddus eraill, am fod y rhan fwyaf o gynghorau heddiw yn gorfod newid llawer i fod yn fwy effeithlon a chael gwell gwerth am arian, ac i fod yn fwy effeithiol neu gystadleuol er mwyn ffynnu.

Mae prosiectau'n aml yn gyrru newidiadau, ac maent yn dod ag adnoddau, sgiliau, technoleg a syniadau ynghyd i gyflwyno manteision busnes ac i gyflawni amcanion. Mae gwaith Rheoli Rhaglenni a Phrosiectau da yn sicrhau y cyflawnir y manteision neu'r amcanion hyn o fewn y gyllideb, ar amser ac i'r safon gofynnol.

Os yw Dinas a Sir Abertawe am lwyddo i reoli newid, mae'n rhaid bod gennym gyfres o brosesau, offer a thechnegau profedig i'w defnyddio i gefnogi'n hymdrechion. Dyma ddiben dulliau Rheoli Rhaglenni a Phrosiectau'r Cyngor.

I weld yr wybodaeth hon ar ein gwefan diwtorial, bydd angen creu cyfrif defnyddiwr ar eich cyfer.  Cysylltwch â Michael Powney am fwy o wybodaeth. Gosodir tâl gweinyddol sengl am fynediad i'r tiwtorial hwn a fydd wedyn yn rhoi'r hawl i chi addasu popeth yn ôl gofynion eich sefydliad yn unol â thelerau'r cytundeb.

Os hoffech weld trosolwg o'r hyn sydd gan y tiwtorial i'w gynnig, lawrlwythwch y cyflwyniad ar ochr dde'r sgrîn.

 
Ymwadiad:
Caiff defnyddwyr y tiwtorial hwn ("y defnyddwyr") wneud hynny ar yr amod eu bod yn derbyn nad yw Dinas a Sir Abertawe ("y cyngor") yn gyfrifol am unrhyw ran o gynnwys y tiwtorial ac nad yw'n derbyn cyfrifoldeb dros unrhyw golled, niwed nac anghyfleustra a berir i ddefnyddwyr o ganlyniad i ddefnyddio'r tiwtorial hwn.  Bydd pob defnyddiwr o'r tiwtorial hwn yn gwneud hynny ar ei risg ei hun a chan ddeall nad yw'r cyngor yn atebol oherwydd cytundeb, camwedd, esgeulustod nac fel arall am unrhyw golled na niwed o gwbl, a sut bynnag yr achosir hyn i'r defnyddwyr neu drydydd parti, sy'n gysylltiedig â defnyddio'r tiwtorial hwn. Mae defnyddwyr y tiwtorial hwn yn cytuno ac yn derbyn hefyd na fydd y cyngor yn gyfrifol nac yn atebol am safon, cywirdeb, priodoldeb nag addasrwydd y tiwtorial hwn at unrhyw ddiben penodol.
 
Hawlfraint:
Mae holl gynnwys y tiwtorial hwn yn © hawlfraint Dinas a Sir Abertawe
Diogelir y tudalennau hyn gan hawlfraint.  Gwaherddir atgynhyrchu'r deunydd hwn mewn unrhyw ffordd heb ganiatâd ysgrifenedig Dinas a Sir Abertawe.

"Mae PRINCE2® yn nod masnach cofrestredig Swyddfa Masnach y Llywodraeth yn y Deyrnas Unedig a gwledydd eraill " ac "mae MSP™ yn nod masnach i Swyddfa Masnach y Llywodraeth ".