Cyflawni Gwiriadau Iechyd

Gwelodd y cyngor bod angen datblygu proses Gwirio Iechyd er mwyn rhoi sicrwydd i'r rheolwyr fod yr wybodaeth sy'n cael ei chynnwys yn gadarn.

Unwaith yr oedd y Rhaglen Strategol wedi'i sefydlu a bod yr holl drefniadau llywodraethu ar waith er mwyn sicrhau ymagwedd gyffredin at raglenni a phrosiectau, aeth Jeremy Stephens (yn ei rôl fel Rheolwr y Rhaglen Strategol) ati i arwain y gwaith o ddatblygu fframwaith Sicrhau Prosiectau.

Mae'r fframwaith hwn y gellir ei ailddefnyddio ac sy'n alinio â Methodoleg Rheoli Rhaglenni a Phrosiectau wedi'i lunio i adlewyrchu buddiannau'r busnes, y defnyddwyr a'r cyflenwyr.

Rhoddwyd y cyfrifoldeb o greu'r fframwaith hwn a'i brofi ar un o brosiectau'r cyngor i Gareth Watkins (Arweinydd y Tîm Archwilio Busnes) a'i dîm. Rhoddodd hyn gyfle ymarferol i'r tîm gan eu helpu i ddatblygu dealltwriaeth o'r ffordd o gynnal gwiriad iechyd. Bu hefyd o gymorth i ddiffinio effeithiolrwydd y broses a chwilio am fannau i'w gwella.

Rhan o'r fframwaith oedd creu offeryn diagnostig a baratowyd a'i addasu i ddiwallu anghenion y cyngor. Mae'r broses gyfan bellach ar waith yn y cyngor ac mae sawl prosiect wedi profi gwaith Gareth a'i dîm. Nid archwiliad yw'r Gwiriad Iechyd ond fe'i lluniwyd i ddarparu cefnogaeth, cyngor ac arweiniad annibynnol, diduedd a phrofiadol i bawb sy'n ymwneud â'r prosiect er mwyn gwella'r perfformiad.

Dyma batrwm y gwiriad iechyd:

• Paratoi
  - Ymchwil cefndir
  - Paratoi cwestiynau wedi'u seilio ar rôl Rheolwr y Prosiect
  - Gosod y cefndir gyda Rheolwr y Prosiect
  - Trefnu cyfweliadau
• Adolygu Dogfennau
  Gweld yr archwiliadau Cyflunio blaenorol
  - Adolygu'r holl ddogfennau angenrheidiol
• Cyfweliadau gydag aelodau eraill o'r tîm
  - Paratoi cwestiynau wedi'u seilio ar eu rolau
  - Cwblhau'r cyfweliadau
• Adroddiad Manwl
  - Llunio argymhellion
  - adborth i Reolwr y Prosiect
  - Cwrdd â Rheolwr y Rhaglen Strategol i drafod y casgliadau
• Adroddiad Cryno
  - Paratoi adroddiad ar gyfer Bwrdd y Prosiect