Gwefan Gweld Prosiectau

Er mwyn i staff gael gwybodaeth am hynt a helynt prosiectau mawr y cyngor, crëwyd Gwefan Gweld Prosiectau.

Mae gan bob Rheolwr Prosiect sy'n gweithio ar un o brosiectau allweddol y cyngor ei we-dudalen ei hun sy'n cynnwys gwybodaeth amrywiol am y prosiect.

Mae'n rhoi cyfle i'r defnyddiwr ddarllen am y prosiect a'r sefyllfa bresennol. Mae tudalennau ar gael hefyd lle gellir cwrdd â Rheolwyr Prosiectau a'r bobl y maent yn gweithio gyda hwy, gweld y siart trefniadaeth, a gweld lluniau o'r gwaith sy'n digwydd.

Caiff y tudalennau hyn eu diweddaru'n rheolaidd er mwyn rhoi'r wybodaeth ddiweddaraf i'r staff sy'n eu darllen.

Mae tudalen sylwadau hefyd ar gael er mwyn i ddefnyddwyr gael cyfle i fynegi eu barn wrth unrhyw un o'r Rheolwyr Prosiect. Mae aelodau'r cyngor hefyd yn gallu cysylltu â'r safle yma ac anfonir negeseuon e-bost atynt gyda dolenni i'r safle pan fo gwybodaeth bwysig ar gael iddynt ei hystyried.

Mae llawer o waith caled yn digwydd gyda phrosiectau'r cyngor nad yw'n cael ei gydnabod fel y dylai. Mae gwefan Gweld Prosiectau'n rhoi cyfle i Reolwyr Prosiectau amlygu'r meysydd hyn.

Caiff unrhyw wersi a ddysgwyd gan Reolwyr Prosiectau wrth ymgymryd â'u prosiectau eu nodi ar y safle er mwyn helpu Rheolwyr Prosiectau yn y dyfodol.