Gerddi Botanegol

Mae'r Gerddi Botanegol prydferth wedi'u lleoli yn yr hen ardd â wal o'i chwmpas ym Mharc Singleton.

Gardd Fotanegol Singleton - 01792 298637
Mynediad am ddim
Ar agor tan
4.30pm Medi - Pasg
6pm Pasg - Gorffennaf
8pm Awst

Mae'r gerddi'n cynnwys pum math prin ac egsotig o blanhigion o bob cwr o'r byd. Maent ar eu gorau yn ystod mis Awst pan gynhelir rhaglen lawn o ddigwyddiadau, teithiau ac arddangosiadau.

Mae'r Gerddi Botanegol yn gartref i un o brif gasgliadau planhigion Cymru, gyda borderi blodau ysblennydd a thai gwydr mawr. 

Mae'r tai gwydr yn ail-greu amrywiaeth o hinsoddau gwahanol o rannau gwahanol y byd; yn amgylchedd poeth Ty'r Diffeithdir fe ddewch o hyd i gacti a phlanhigion suddlon, ac yn y Ty Trofannol gallwch weld planhigion a geir yn y fforest law a'r jynglau trofannol. Mae'r rhain yn cynnwys casgliad cynhwysfawr o degeirianau ac epiffytau fel bromeliaid a mwsog Sbaen (planhigion aer). 

Mae'r Ty Gwydr Economaidd yn dangos planhigion sydd wedi dod yn bennaf o'r rhanbarthau isdrofannol a rhai gwledydd y Canoldir, ac sy'n bwysig o safbwynt economaidd, fel cansen siwgr, cnau coco, olewydd a choffi. Mae'r ty hwn hefyd yn gartref i gasgliad lliwgar o glustiau'r mochyn.

Er bod y gerddi ar eu gorau ym mis Awst, mae rhywbeth i'w weld drwy gydol y flwyddyn. Mae'r borderi blodau'n olygfa hyfryd o ddiwedd mis Mawrth tan ganol fis Hydref, a hyd yn oed yn ystod misoedd garw y gaeaf mae gan yr ardd lawer i'w chynnig, gyda hyd at 200 o blanhigion gwahanol yn eu blodau yn ystod tymor y Nadolig.

Am fod yr ardd hon wedi'i lleoli o fewn awyrgylch llonydd prif barc Singleton, mae'n lle hamddenol i ddod i edrych neu i ennyn ysbrydoliaeth am eich gardd eich hun. Mae digon o lefydd i eistedd ac edmygu'r golygfeydd braf.